«Qaırat»-«Hapoel»: Izraıldyq fýtbolshylar alda keledi
NUR-SULTAN. QazAqparat - Dál qazir fýtboldan UEFA Eýropa lıgasynyń ekinshi irikteý satysynda syrt alańda Almatynyń «Qaıraty» men Izraıldiń «Hapoel» (Bezr-Sheva) komandalary kezdesip jatyr. Matchtyń alǵashqy kezeńi aıaqtaldy, dep habarlaıdy QazAqparat tilshisi.
Esterińizge sala ketelik, jarystyń alǵashqy satysynda «Qaırat» Bosnııa jáne Gertsogovınanyń «Shırokı Brıeg» komandasyn orta jolda qaldyrǵan bolatyn. Eki kezdesýde de 2:1 esebimen jeńiske jetip, jarystyń kelesi satysyna joldama aldy.
Al «Hapoel» Albanııanyń «Lachı» klýbyn qos oıynnyń nátıjesimen jeńip (1:0,1:1) ketti.
Búgingi kezdesýde alǵashqy mınýttan «Qaırat» quramynda Stas Pokatılov, Ǵafýrjan Súıimbaev, Rade Dýgalıch, Eldos Ahmetov, Dıno Mıkanovıch, Islambek Qýat, Aıbol Ábiken, Georgıı Jýkov, Konrad Vrjeşınskıı, Baýyrjan Islamhan, Aderınsola Eseola jasyl alańǵa shyqty.
«Hapoel» (Bezr-Sheva) bapkerleri birinshi kezeńde Ernestas Shetkýs, Shon Goldberg, Mıgel Vıtor, Loaı Taa, Ben Bıtton, Eden Shamır, Davıd Keltens, Marýan Kabha, Ramzı Safýrı, Djımmı Marın jáne Naıdjel Hasselbaınkke senim bildirdi.
Birinshi kezeńniń alǵashqy mınýttarynda ızraıldik fýtbolshylar birden alǵa umtyldy. Oǵan «Qaırat» qorǵaýshylary laıyqty qarsylyq kórsetti. Dese de, alań ıeleri eki qanattan tyqsyra bastady. Osyndaı sátterdiń birinde bizdiń jigitter ózimizdiń aıyp alańymyzda tártip buzdy. Ony «Hapoel» (Bezr-Sheva) sapynan Ramzı Safýrı múltiksiz oryndady. Budan keıin ızraıldik fýtbolshylar ekpinin basqandaı. Osydan soń «Qaırat» birneshe shabýyl uıymdastyrdy. Almatylyq shabýylshy Aderıonsola Eseola óz múmkindigin paıdalana alǵan joq.
Esterińzge sala ketelik, osy ýaqytta Chehııada Shymkenttiń «Ordabasy» komandasy jergilikti «Mlada-Boleslav» klýbymen kezdesýde. Jankúıerler matchtyń ekinshi kezeńin tamashalaýda. Esep - 1:1. Eki gol da birinshi kezeńde soǵyldy.
