«Qaırat» fýtzaldan Chempıondar lıgasynyń fınaldyq kezeńine shyqty

ASTANA. KAZINFORM — Almatynyń «Qaırat» komandasy fýtzaldan Chempıondar lıgasynyń fınaldyq kezeńine shyqty.

V tobynda qazirgi kezde almatylyqtar 6 upaımen kósh bastap tur.

Frantsııalyq «Etýal» horvatııalyq «Fýtzal Dınamo» komandasyn 4:3 esebimen jeńgennen keıin «Qaırattyń» merziminen buryn fınaldyq kezeńge shyqqany belgili boldy.

Eki týrdan keıin «Etýalda» - 3, «Fýtzal Dınamo» men «Olmıssým» komandalarynda 1 ǵana upaıdan bar. Birinshi týrda «Qaırat» «Etýaldy» 4:2 esebimen jeńgendikten, aldaǵy oıyndardyń nátıjesi eshteńeni sheshpeıdi.

Almatylyqtar óz tobyndaǵy sońǵy kezdesýin «Fýtzal Dınamo» komandasymen ótkizedi.

Chempıondar lıgasynyń jartylaı fınalyna «Qaırattan» basqa qalǵan úsh toptyń jeńimpazy joldama alady.

Eske sala keteıik, budan buryn fýtzaldan «Qaırattyń» taǵy bir qarsylasyn utqanyn jazǵan bolatynbyz.

Sondaı-aq «Semeı» elıtalyq kezeńde qarsylasyn oısyrata utty.