«Qaırat» fýtzaldan Chempıondar lıgasyn jeńispen bastady
ASTANA. KAZINFORM - Qazaqstandyq «Qaırat» ((Almaty) fýtzal klýby UEFA Chempıondar lıgasyndaǵy alǵashqy oıynyn A jolynyń negizgi kezeńinen bastady.
Almatylyq komanda birinshi oıynynda Izraıldiń «Beıtar» komandasymen sheberlik baıqasty.
Birinshi kezeńde olar qarsylas qaqpasyna úsh gol soǵyp úlgerdi. Aldymen Azat Valıýllın 4-mınýtta esep ashsa, odan keıin Kaıo Rýıs 7 jáne 20-mınýtta eki márte kózge tústi.
Ekinshi kezeńde Almas Imanbekov 21-mınýtta basymdyqty arttyrsa, odan keıin ızraıldik klýbtan Dmıtrıı Kýzmın 22, 26, qaqpashy Maksım Troıtskıı (23-mınýtta kózge tústi.
Oıynnyń 34-mınýtynda Kaıo Rýıs kezdesýdegi óziniń úshinshi golyn soǵyp, qorytyndy esepti belgiledi. Osylaısha «Qaırat» 5:3 esebimen basym tústi.
Endi olar 31 qazanda Belgııanyń «Anderleht» komandasymen kezdesedi.
Al qazaqstandyq «Semeı» Chempıondar lıgasy A jolynyń negizgi kezeńinde Slovakııanyń «Lýcheents» klýbyn 6:0 esebimen qapy qaldyrdy. Olar búgin, 29 qazanda Ispanııanyń «Barselona» klýbymen sheberlik baıqassa, odan keıin 31 qazanda Shveıtsarııanyń «Mınerva» komandasymen oınaıdy.
