«Qaırat» fýtzaldan Chempıondar lıgasy tórttiginiń fınalyna qatysatyn quramyn jarııalady

ASTANA. KAZINFORM - Fýtzaldan almatylyq «Qaırat» Chempıondar lıgasy tórtiginiń fınalyna qatysatyn quramyn jarııalady.

Bas bapker Marlon Velasko tómendegi shákirtterine senim artty. Qaqpa Dennıs pen Narýn Serikovke senip tapsyryldy. Al oıynshylar qatarynda Arnold Knaýb, Edson, Jahangır Rashıt, Dener, Zanotto, Dáýren Tursaǵulov, Birjan Orazov, Kaıo Rýız, Otanıa, Kevın Arrıeta, Gege, Vendel da Sılva Mendes, Alısson bar.

Tórttiktiń fınaly Frantsııanyń Le-Man qalasynda 2-4 mamyr aralyǵynda ótedi. Almatylyq komanda jartylaı fınalda «Kartahena» (Ispanııa) komandasymen sheberlik baıqasady.

Taǵy bir jartylaı fınalda «Palma» (Ispanııa) men «Sportıng» (Portýgalııa) oınaıdy.

Qazaqstandyq jankúıerler oıyndardy «Qazsport» telearnasy arqyly tikeleı efırde tamashalaı alady.

Almatylyq komanda buǵan deıin 20 márte baq synap úlgerdi. Bul Eýropa qurlyǵyndaǵy komandalar arasynda absolıýtti rekordty tirkedi.

«Qaırat» 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.

Eske salsaq, budan buryn olar Horvatııa astanasy Zagreb qalasynda Chempıondar lıgasynyń elıtalyq kezeńinde horvatııalyq «Fýtzal Dınamony» 5:1, «Olmıssýmdy» 1:0. slovakııalyq «Mımel Lýchenetsti» 4:2 esebimen tize búktirdi.