«Qaırat» fýtzaldan Chempıondar lıgasy elıtalyq satysyna shyqty

Fýtzaldan qazaqstandyq «Qaırat» klýby Chempıondar lıgasynyń negizgi satysyndaǵy úshinshi oıynyn Ispanııanyń «Palma» komandasyna qarsy ótkizdi, dep habarlaıdy Kazinform.

«Qaırat» úshinshi topta synǵa túsedi. Qarsylastary - Ispanııanyń «Palma», Vengrııanyń «Haladash» jáne Lıýksembýrgtiń «Dıfferdanj» komandalary.

Ispanııalyq klýb - Eýropadaǵy tájirıbeli ujymnyń biri. Ótken jyly Chempıondar lıgasynda bas báıgege ıe boldy.

Sondyqtan birinshi kezeńde ıspanııalyq fýtzal sheberleri Romýlo 2, Brýno Gomes 14, Fabıno 15-mınýtta «Qaırat» qaqpasyna úsh gol soǵyp úlgerdi.

Ekinshi kezeńde «Palma» sapynan Kleber avtogol avtory atansa, «Qaırat» oıynshysy Kaıo Rýıs 29-mınýtta esep aıyrmasyn qysqartty.

Al «Palma» sapynan 38-mınýtta taǵy bir gol soǵylsa, 39-mınýtta almatylyq Dáýren Tursaǵulov qorytyndy esepti belgiledi.

Osylaısha «Qaırat» qarsylasyna 3:4 esebimen ese jiberdi.

Eske salsaq, budan buryn «Qaırat» Lıýksembýrgtiń «Dıfferdanj» klýbyn 4:2 esebimen súrindirse, Vengrııanyń «Haladash» komandasymen 2:2 esebimen teń oınady.

Bul toptan «Palma», «Qaırat», «Haladash» elıtaly satyǵa joldama aldy.

Elıtalyq saty oıyndary bıylǵy 28 qarasha - 3 jeltoqsan aralyǵynda ótedi.

Aıta ketsek, atalǵan satyda qazaqstandyq «Aıat» jarys jolynan shyǵyp qaldy.