«Qaırat» fýtzaldan álemdik klýb chempıonatynda alǵashqy jeńiske jetti
ASTANA. QazAqparat - Almatylyq «Qaırat» fýtzal klýby týrnır qojaıyny «Atlantıkomen» kezdesip, álemdik klýb chempıonatyndaǵy óziniń oıyndaryn resmı bastady.
Almatylyq komandanyń bas jattyqtyrýshysy Kakaý alǵashqy mınýttardan Leony, Dıvaneıdi, Lýkaıandy jáne Igordi oıynǵa qosty. Qaqpadaǵy oryndy dástúr boıynsha Igıt ıelendi.
Týrnır qojaıyndary oıyndy ekpinmen bastady, degenmen olardyń shabýylyn qaýipti dep aıtýǵa bolmaıdy - soqqylardyń bári de nysanaǵa dál tımeı jatty. 7-shi mınýtta Kakaý komandasy esep ashty. Kezdesýdiń ekinshi jartysy da qojaıyndardyń shabýylymen bastaldy. Eki mınýttan keıin «Qaırat» artyqshylyǵyn eki ese ulǵaıtty - Igordyń bergen dobyn Dıvaneı qaqpaǵa kirgizdi. Úshinshi dopty Leo, al tórtinshisin - Aleshandra soǵyp. qazaqstandyq ujymnyń oıyn órnegin tamasha kombınatsııamen aıaqtady, dep jazady Sports.kz .
