«Qaırat» fýtzaldan 2024 jylǵy Qazaqstan sýperkýbogynyń ıegeri atandy

ASTANA. KAZINFORM - Almatylyq «Qaırat» fýtzaldan 2024 jylǵy Qazaqstan sýperkýbogynyń ıegeri atandy.

Sýperkýbokta almatylyq «Qaırat» Abaı oblysynyń «Semeı» klýbyn 3:1 esebimen tize búktirdi. Almatylyq klýb sapynan Alısson Neves 2 gol soqsa, Kaıo Rýız 1 márte kózge tústi. Oǵan «Semeı» sapynan Kaıo Torres bir golmen jaýap qaıyrdy.

Endi «Semeı» jáne «Qaırat» klýbtarynyń fýtzaldan Chempıondar lıgasy negizgi kezeńniń tórtinshi tobyndaǵy oıyndarǵa qatysady. Chempıondar lıgasy negizgi kezeńiniń oıyndary 22-27 qazan kúnderi Almaty qalasynda ótkiziledi.

Onda qazaqstandyq komandalar «Sportıng» (Portýgalııa) jáne «Haladash» (Vengrııa) klýbtarymen sheberlik baıqasady.

Aıta ketsek, árbir toptan úsh úzdik komanda jarystyń elıtalyq kezeńine shyǵady.

Sondaı-aq almatylyq klýb 2012/2013, 2014/2015 jyldarda atalǵan týrnırde jeńimpaz atanǵan edi. Al, semeılik klýb eýrokýbok oıyndarynda alǵash ret synǵa túsedi.