«Qaırat» fýtbolshysy XXI ǵasyrdyń úzdik shabýylshylary tizimine endi
NUR-SULTAN. QazAqparat – Halyqaralyq fýtbol tarıhy jáne statıstıkasy federatsııasy XXI ǵasyrdyń úzdik shabýylshylarynyń tizimin jarııalady, dep habarlaıdy QazAqparat.
Oǵan 2001 jyldyń 1 qańtary men 2021 jyldyń 1 qańtary aralyǵynda joǵary dárejedegi kem degende 200 gol soqqan fýtbolshylar kirdi.
Tizimge qazaqstandyq klýbtyń bir fýtbolshysy endi: almatylyq «Qaırattyń» forvardy Vagner Lav 231 gol soǵyp, 29-orynda tur. Brazılııa azamaty Neımar (225), Karım Benzema (220), Radamel Falkao (212), Edın Djeko (209) jáne Dıego Forlan (206) syndy álem juldyzdaryn basyp ozǵan.
Tizimniń birinshi ornyna «ıÝventýs» úzdigi Krıshtıaný Ronaldý jaıǵasqan, onyń enshisinde 462 gol bar. Ekinshi orynda «Barselona» kapıtany Lıonel Messı (451 gol) tur.
Sondaı-aq úzdik bestiktiń qatarynda «Mılan»-dyq Zlatan Ibragımovıch (379 gol), «Bavarııa» klýbynyń oıynshysy Robert Levandovskıı (332) jáne karerasyn aıaqtap qoıǵan sıngapýr fýtbolshysy Aleksandr Djýrıch (304) tur.
