«Qaırat» fýtboldan Qazaqstan kýboginiń shırek fınalyna joldama aldy

ORAL. QazAqparat - «Aqjaıyq» óz alańynda Qazaqstan kýboginiń 1/8 fınalynda Almatynyń «Qaıratyn» qabyldady, dep habarlaıdy QazAqparat tilshisi.

Ótken jyly oraldyq klýb óz tarıhynda alǵash ret el kýboginiń fınalyna deıin jetken edi.

Alaıda chempıonatta sátsiz óner kórsetip, birinshi lıgaǵa túsip qalǵan-dy.

Bıyl Almatyda kýbok úshin ótken birinshi oıynda «Qaırat» 2:1 esebimen jeńiske jetken edi.

Oraldaǵy qarymta matchta alań ıeleri esep ashýǵa bar kúshin saldy.

Ásirese, báseke sońyna taman jıi shabýyldaǵanmen, eshteńe ózgermedi. Match 0:0 esebimen teń aıaqtaldy.

Osylaısha, «Qaırat» shırek fınalǵa joldama aldy.

«Aqjaıyq» endi premer-lıgaǵa qaıta oralý úshin baryn salatyn bolady.

Eske sala keteıik, budan buryn birinshi lıgada «Aqjaıyq» Astanada «Jeńisten» jeńilip qalǵanyn jazǵan bolatynbyz.