"Qaırat" fýtbol klýbynyń jattyqtyrýshysy ózgerdi
ALMATY. 7 maýsym. QazAqparat - Almaty qalasynyń "Qaırat" fýtbol klýbyn endi ıspandyq Hose Peres Serar jattyqtyratyn boldy.
Baqylaýshylar keńesiniń tóraǵasy Qaırat Boranbaevtyń aıtýynsha, keńes músheleri alǵashqy aınalymdy baqylap, onyń qorytyndysy boıynsha bapkerdi aýystyrý jaıyn talqylaǵan. Sondaı-aq burynǵy Bas bapker Dmıtrıı Ogaıdy óz ótinishi boıynsha otstavkaǵa jiberý týraly sheshim shyǵarǵan.
"Alty mamanmen kelissóz júrgizdik. Bizge Sergeı Ovchınnıkov pen ıÝrııa Gazzaev keldi. Valerıı Nepomnıaşı pen ıÝrı Krasnojanmen telefon arqyly sóılestik. Andreı Gordeev pen Andreı Tallalaevpen kezdestik. Al ıspandyqtar bizdiń klýbqa úlken qyzyǵýshylyq bildirip, "Qaırattyń" oıynyn kórip bizge ózderi usynys jasady. Endi shildeniń ortasynda bul eldiń balalar jattyqtyrýshylarymen kelisimshart jasaımyz. Biz "Barselona" fýtbol klýbynyń tehnıkalyq bazasyn mejege alyp otyrmyz", - dedi Q.Boranbaev. D.Alekseevıch almatylyq klýbtyń Bas bapkeri bolyp 2011 jyldyń jeltoqsan aıynda taǵaıyndalǵan bolatyn. Qazirgi tańda Premer-lıgadaǵy Qazaqstan chempıonatynda 12 týrdan keıin 14 komandanyń arasynda "Qaırat" 10-orynda kele jatyr.
Hose Peres Serar «Valensııa» jáne «Barselona» komandalarynyń burynǵy oıynshysy. Sońǵy jyldary "Barselona" sabynda bapkerlik tájirıbeden ótken «PRO» dárejesin ıelengen bul maman: "Men seriktesim Ismael Dıaspen Qazaqstanǵa "Qaıratpen" jumys isteý úshin keldik. Biz "Qaırat" oıynshylarynyń ótkir jáne shabýyldaýshy fýtbolshylar bolǵanyn qalaımyz. Basty maqsatymyz Eýropada bári "Qaıratty" bilip, ol týraly aıttatyndaı etý", - deıdi ol.
