«Qaırat» fýtbol klýbynyń jańa bapkeri kim
ASTANA. QazAqparat - Belarýstyq jas maman Alekseı Shpılevskıı «Qaırattyń» jańa bas bapkeri atandy. 25 qarasha kúni klýb bul taǵaıyndaý jóninde resmı málimdeıdi, dep habarlaıdy «SPORTINFORM».
30 jastaǵy belorýs Almatyǵa bir apta buryn kelgen. Ol «Qaırattyń» basshylyǵymen sońǵy kelissózderdi júrgizdi. Shpılevskıı Qazaqstan Kýbogy kezinde «Astana Arenada» kózge túsken bolatyn. Ol óziniń bolashaq komandasynyń oıynyn muqııat baqylap otyrdy. 25 qarasha kúni ony oıynshylarǵa resmı túrde tanystyrady.
Alekseı Shpılevskııdiń eresek komandalarmen jumys tájirıbesi onsha kóp emes. Onyń qyzmet joly bresttik «Dınamodaǵy» jeńilisimen jáne «Leıptsıg» jasóspirimder komandasyndaǵy jumysymen shekteledi.
Eske sala keteıik, «Qaırat» komandasy fınalda «Atyraýdan» basym túsip, bıyl toǵyzynshy ret Qazaqstan Kýbogyn jeńip alǵan bolatyn.
