«Qaırat» fýtbol klýbynyń qosalqy quramy Malaızııamen 0:0 esebimen tarasty
ALMATY. 20 jeltoqsan. QazAqparat - Túrkııada oqý-jattyǵý jıynyn ótkizip jatqan «Qaırat» fýtbol klýbynyń qosalqy quramy keshe ekinshi baqylaý matchyn ótkizdi.
Neboısh Mılıchıch jattyqtyratyn almatylyqtar bul joly Malaızııanyń 19 jasqa deıingi jastar quramasymen kezdesken bolatyn. Bul oıynda eshkim qarsylastar qaqpasynan sańylaý taba almaı, 0:0 esebimen tarasty.
Buǵan deıin olar alǵashqy baqylaý matchyn Antalııanyń «Murat-Pasha» («Murat-Pasha») komandasymen ótkizip, 2:0 esebimen basym túsken bolatyn. Bas bapkerdiń aıtýynsha, qandaı da bir eldiń quramasymen teń dárejede oınaý kez kelgen komanda úshin úlken mártebe. Jalpy bul oıynda olar qarsylastaryna qaraǵanda birshama basymdyqqa ıe boldy. Qaqpaǵa jıi soqqy jasaǵanymen onyń kiltin taba almady. Buǵan komandanyń kúnine 2 márte jattyǵý jasap júrgeni de óz áserin tıgizdi.
