«Qaırat» fýtbol klýbynyń qatary jańa oıynshylarmen tolyqty
ALMATY. 31 jeltoqsan. QazAqparat - Almaty qalasynyń «Qaırat» fýtbol klýby jańa maýsymǵa daıyndyq kezinde quramyn 2 otandyq oıynshymen tolyqtyrdy.
Olar jartylaı qorǵaýshylar 21 jastaǵy Baýyrjan Sherhan men 24 jastaǵy Aslan Darabaev. «Qaırat» pen «Taraz» klýbtary arasyndaǵy oıynshy almasý týraly kelisim boıynsha Baýyrjan endi 3 jyl boıy almatylyqtardyń namysyn qorǵaıtyn bolady. Buǵan deıin «Shahter», «Aqtóbe», «Atyraý» klýbtarynda óner kórsetken B. Sherhan 2009 jyly qaraǵandylyqtar sapynda qola júldeger atansa, 2010 jyly aqtóbelikter quramynda kúmis, 2013 jyly «Shahterge» qaıta oralǵan ol Qazaqstan kýbogynyń ıegeri atanǵan bolatyn.
Aslan Darabaev ta 2008-2009 jyldary «Shahter», 2010-2012 jyldary «Aqtóbe», 2013 jyly «Atyraý» klýbynda óner kórsetken edi. Ol 2009, 2011, 2012 jyldary el chempıonatynyń kúmis, 2010 jyly qola júldegeri boldy. Sondaı-aq 2009 jyly Qazaqstan kýbogynyń fınalısi atanyp, al 2013 jyly onyń jeńimpazy atandy.
Qos fýtbolshy da Qaraǵandy fýtbol mektebiniń túlekteri. Sonymen qatar jastar quramasynda óner kórsetip júrgen tájirıbeli oıynshylar.
