«Qaırat» fýtbol klýby jasósipirimder arasyndaǵy Qazaqstan birinshiliginiń qola júldegeri atandy
ALMATY. 3 shilde. QazAqparat - Almatyda 1999 jylǵa deıingi jasóspirimder arasynda fýtboldan Qazaqstan birinshiligi ótti. Onda 12 komanda tórt topqa bólinip ózara saıysqa túsken bolatyn.
Jarys qorytyndysynda jartylaı fınalda ǵana birinshilik jeńimpaz atanǵan Aqtóbe oblysynyń komandasyna ese jibergen Almatynyń «Qaıraty» 3-oryn úshin ótken fınalda Pavlodar oblysysyń komandasymen oıynnyń negizgi ýaqytynda 2:2 esebimen teń túsip, penaltı serııasynda 4:1 esebimen jeńiske jetti. Al aqtyq synda Qaraǵandy oblysynyń komandasymen 0:0 esebimen teń túsip, penaltıden 4:2 esebimen basym túsken aqtóbelikter el chempıony atandy. Ózge oblystyń komandalarynan qostanaılyqtar - besinshi, ońtústikqazaqstandyqtar - altynshy, atyraýlyqtar - jetinshi, jambyldyqtar - toǵyzynshy, almatylyqtar - onynshy, mańǵystaýlyqtar - on birinshi, aqmolalyqtar - on ekinshi oryndy qanaǵaǵat tutty. Sondaı-aq Almaty qalasynan Nıkıta Savenkov - úzdik qaqpashy, Aqtóbe oblysynan Batyrbek Karımov - úzdik qorǵaýshy, Rústem Nurmanov týrnırdiń úzdik oıynshysy, Qaraǵandy oblysynan Roman Bloshıtsın - úzdik jartylaı qorǵaýshy, Paýrýz Jan-Alı - úzdik shabýylshy, Pavlodar oblysynan Evgenıı Massım - úzdik bombardır dep tanyldy.
