«Qaırat» fýtbol klýby mobıldi qosymshasyn iske qosty

Bul qosymshany qazir Play Market-ten júktep alýǵa bolady, al jaqynda ol App Store-ge shyǵady, dep habarlanǵan FK saıtynda.

Qosymshanyń negizgi «mańyzdy» bóliminde match nátıjelerin, týrnır kestesin jáne túrli promo rolıkterdi kórýge bolady.

«Jańalyqtar» bóliminde komanda jańalyǵy bar. Ol eki kategorııaǵa bólingen: klýb jańalyqtary men akademııa jańalyqtary. Jańalyqtar astyna pikir de qaldyrýǵa bolady.

«Oqıǵalar» bóliminen «Qaırattyń» jaqyn aradaǵy óz alańyndaǵy kezdesýleri men klýbtyń ózge de sharalardy kórýge bolady. «Komanda» bóliminde klýb oıynshylary men jattyqtyrýshylary týraly aqparat ornalastyrylǵan. Qosymshada atrıbýtıkalar onlaın-dúkeni bar, sonymen qatar Almatydaǵy «Qaırat» matchtaryna bıletti de osy jerden satyp alýǵa bolady.

Qosymshadan súıikti fýtbolshlardyń sýretin de júkteýge múmkindik bar. Kez-kelgen jankúıer «fan-aımaq» bólimin paıdalanyp, fotosyn, vıdeo nemese mátinin jiberip, óziniń jańalyǵyn ornalastyra alady.