«Qaırat» fýtbol klýby Qazannyń «Rýbınimen» oınaıdy
ASTANA. QazAqparat - 6 qyrkúıekte «Qaırat» fýtbol klýby Qazannyń «Rýbınimen» joldastyq kezdesý ótkizedi, dep habarlady almatylyq komandanyń baspasóz qyzmeti.
«Ulttyq quramalardyń matchtarymen baılanysty úzilisterge baılanysty Qazaqstan chempıonatynda kezekti eki aptalyq tynys boldy, ony toltyra otyryp, bizdiń klýb kelesi oıyndarǵa ázirlik esebinde kúshti qarsylastyń biri - Qazannyń «Rýbınimen» joldastyq kezdesýdi josparlady. Sparrıng 6 qyrkúıekte jańa «Qazan - Arena» stadıonynda ótedi», delingen taratylǵan aqparatta.
«Rýbın» fýtbol klýby 2008 jáne 2009 jyldardaǵy Reseıdiń eki márte chempıony. Reseı Kýbogynyń (2012), Dostastyq Kýbogynyń (2010), Reseı Sýperkýbogynyń (2010, 2012) ıegeri. Kóp jyldar boıy reseılik klýbtyń jattyqtyrýshysy almatylyq «Qaırattyń» burynǵy oıynshysy Qurban Berdıev (2001-2013) boldy.
