«Qaırat» fýtbol klýby qala menshigine ótýi tıis - Erbolat Dosaev
Naýryzbaı aýdanynyń turǵyndarymen kezdesý kezinde «Qaırat» fýtbol klýbynyń jankúıeri onda qazir qıyndyqtar bar ekenin, oǵan kómek qajet ekenin jetkizdi.
«Men 60 jyl boldy «Qaırattyń» jankúıerimin. Almatyda turamyn. Qazir klýbqa kómek qajet. Kóp oıynshylar Aqtóbe, Astanaǵa, basqa klýbtarǵa ketip qaldy. Sebebi, onda kóp aqsha tóleıdi. Qazir «Qaırat» tórtinshi orynda. Myqty oıynshylar, akademııa túlekteriniń bári ketip qaldy», - dedi qala turǵyny.
Erbolat Dosaev «Qaırat» qazir jekemenshikte ekenin jáne ákimdik onyń qala menshigine berilýin kútip otyrǵanyn aıtty.
«Qaırat» klýby qazir jekemenshikte. Sot sheshimin kútip otyrmyz. Klýb qala menshigine berilgen kezde, oǵan kómek kórsetý máselesin qarastyramyz, ıaǵnı ol qala menshigine ótken soń kómek kórsetiledi», - dep jaýap berdi Erbolat Dosaev.
Eske salsaq, «Qaırat» fýtbol klýbynyń ákimshiligi klýb Almaty ákimdigine berildi degen aqparatty joqqa shyǵarǵan bolatyn.
Foto: facebook.com/fckairat
