«Qaırat» fýtbol klýby ekinshi oqý-jattyǵý jıyny kezinde 18 oıynshymen kelisim-shart jasasty
ALMATY. 14 aqpan. QazAqparat - Dmıtıı Ogaı jattyqtyratyn Almatynyń «Qaırat» fýtbol klýby 16-aqpan men 1-naýryz aralyǵynda Túrkııada úshinshi oqý-jattyǵý jıynyn ótkizedi.
Al 27-qańtar men 10-aqpan aralyǵynda ótken sońǵy jıynda almatylyq klýb baıqaýda júrgen 18 oıynshymen kelisim-shart jasasty. Onyń 12-si qazaqstandyq, altaýy sheteldik legıoner. Olar qaqpashy Andreı Shabanov pen Ramıl Nurmuhametov, shabýylshy Nemanıa Iovanovıch (Serbııa), qorǵaýshy Rýslan Baltıev, Nursaıyn Joldasov, Oleg Nedashkovskıı, Rahımjan Rozybakıev, Nurjaryq Kýnov, Andreı Harabara, Vladımır ıAkovlev, Rýslan Sahalbaev, Ilıa Vorotnıkov, Kırıll Shestakov jáne Marko Djordjevıch (Serbııa). Iosıp Knejevıch (Horvatııa), Alberto Eredıa (Ispanııa), Stıýart Daff (Shotlandııa) men Býrak Akıyldyz (Týrkııa). Bul jıynda «Qaırat» 6-aqpanda Grýzııanyń«Dıla Gorı» komandasyna 0:2, 7-aqpanda Belarýstiń «Gomeline» 0:1 jáne 10-aqpanda dál osyndaı eseppen Serbııanyń «Teleoptıgine» de utylǵan bolatyn.
