«Qaırat» fýtbol klýby Almaty menshigine óte me – ákim jaýaby

ASTANA. QazAqparat – «Qaırat» fýtbol klýbyn kommýnaldyq menshikke berý máselesi kún tártibinde turǵan joq. Bul týraly qala ákimi Erbolat Dosaev málim etti, dep habarlaıdy QazAqparat tilshisi.

«Qaırat» klýby – qalamyzdyń ıgiligi, elimizdegi eń eski fýtbol klýby, biraq ázirge klýb kommýnaldyq menshikke berilmeıdi. Basqa sheshimder, sot sheshimderi bolǵan joq, menshik ıeleri tarapynan bastamalar da kóterilgen joq. Olar ózderi qarjylandyryp jatqanda, qala tarapynan «Qaırat» balalar-jasóspirimder mektebin jyl saıyn qarjylandyrý ǵana qalady. Klýbtyń ózi damyp keledi jáne Qazaqstan chempıonatyna qatysyp júr», - dedi ákim Ortalyq kommýnıkatsııalar qyzmetindegi baspasóz máslıhatynda tilshiler suraǵyna.

Qala ákiminiń aıtýynsha, klýbty qarjylandyrý jetispeýshiligi nemese basqa da máseleler týyndaǵan jaǵdaıda, sheshim zańnamada belgilengen tártippen qaralady.

«Qazirgi ýaqytta ákimdiktiń kún tártibinde mundaı másele turǵan joq», - dedi ol.

Aıta keteıik, «Qaırat» fýtbol klýby 1954 jyly Almatyda «Dınamo» bazasynda qurylǵan.