«Qaırat» fýtbol klýbynyń oıyndaryna bıletterdi endi tek onlaın alýǵa bolady

ALMATY. KAZINFORM - «Qaırat» fýtbol klýby óz alańynda ótetin matchtarǵa bılet satyp alý júıesine ózgerister engizdi. 

Klýbtyń málimetinshe, atalǵan ózgerister bılet satyp alýdy jeńildetip, qaǵazdy az paıdalanýǵa baǵyttalǵan. 

«Jankúıerlerge qyzmet kórsetýdi jaqsartyp, ekologııalyq qaýipsizdikke úles qosý maqsatynda biz budan bylaı bıletti stadıon kassasynda satpaımyz. Bıletti «Qaırat» FK resmı saıtynda, sondaı-aq eksklıýzıvti seriktesimiz Ticketon.kz arqyly satyp alýǵa bolady», - dep habarlady «Qaırat» FK-nyń baspasóz qyzmeti.

Sondaı-aq fýtbol klýby 2024 jylǵy maýsymǵa arnalǵan abonementterdiń satylatynyn habarlady. Olardy Almaty qalasy, Abaı dańǵyly, 48/4 mekenjaıynan alýǵa bolady.