«Qaırat» fýtbol klýby quramyna portýgalııalyq shabýylshy qosyldy

ASTANA. KAZINFORM — «Qaırat» fýtbol klýby quramyna portýgalııalyq shabýylshy Jorje Gabrıel Koshta Monteırý qosyldy.

Ol úlken fýtbolda jankúıerlerge Jorjıno degen laqap atpen tanymal. Kelisimshart 2026 jylǵy maýsymynyń sońyna deıin jasaldy.

Bıyl 27 jasqa tolǵan onyń boıy 169 santımetr bolsa, salmaǵy 65 kelini quraıdy. 

Portýgalııalyq «Braga» klýby akademııasynyń túlegi óz elinde «Seleırýsh», «Merelınense», «Fafe», «Sanjýanense», «Pevıdem» komandalarynda oınaǵan.

Byltyr forvard lıýksembýrgtik «Dıfferdanj 03» klýbyna aýysyp, eki maýsymda tamasha oıyn kórsetti. 2023/24 jylǵy maýsymda 32 matchta 28 gol gol soqsa, 5 nátıjeli pas berdi. Al 2024/25 jylǵy maýsymda 19 matchta 17 goldyń avtory atanyp, 10 márte áriptesteriniń gol soǵýyna kómegin tıgizdi.

Eske salsaq, budan buryn «Ordabasy» fýtbol klýbynyń bas bapkeri taǵaıyndaldy.