«Qaırat» FK jasóspirimder fýtbol akademııasyna T.Segizbaevtyń esimi beriledi
ASTANA. QazAqparat - «Qaırat» fýtbol klýbynyń qurylysy aıaqtalýǵa jaqyndap qalǵan U14 - U19 jasóspirimder akademııasyna dańqty qazaqstandyq fýtboldy Segizbaev Tımýr Sanjarulynyń esimi berildi, dep habarlady komandanyń baspasóz qyzmetinen.
«Árleý jumystary, sonymen birge aýmaǵyn abattandyrý men kógal tóseý jumystary aıaqtalýǵa jaqyn. Akademııa aýmaǵynda tabıǵı jabyndy tóselgen standartty kólemdegi 3 fýtbol alańy bolady. Ýltra zamanaýı úrlemeli shatyry bar fýtbol manejiniń qurylysy tolyǵymen aıaqtalǵan. Keshende oqý synyby, medıtsınalyq kabınetter, sondaı-aq klýb qyzmetkerlerine arnalǵan keńse bolady», - delingen taratylǵan aqparatta.
«Qaırat» FK jassópirimder akademııasy jas fýtbolshylar úshin naǵyz fýtbol qalashyǵyna aınalatyn bolady. Turǵyn úı keshenine Qazaqstannyń barlyq óńirinen kelgen 150 oqýshy sııady.
«Klýb úshin jáne Almaty qalasy úshin mańyzdy sport kesheniniń ashylýy qarsańynda biz «Qaırat» FK jasóspirimder akademııasyna Tımýr Segizbaevtyń esimi beriletin zor qýanyshpen habarlaımyz», - delingen klýb aqparatynda.
«Qaırat» FK delegatsııasy Tımýr Sanjarulyny arnaıy baryp, akademııaǵa esimin berýge kelisimin alǵan.
