«Qaırat» FK jankúıerlerine Ortalyq stadıonnyń kógalyn syıǵa tartady
ALMATY. QazAqparat - Almaty qalasynyń Ortalyq stadıonynda kógaldy aýystyrý jáne qalpyna keltirý jumystary bastaldy. QR Premer-Lıgasynda óner kórsetetin «Qaırat» FK jańa maýsymda jańa kógalda oınaıtyn bolady», - dep habarlaıdy komandanyń baspasóz qyzmetinen.
Osyǵan baılanysty «Qaırat» FK basshylyǵy jankúıerlerge Ortalyq stadıonnyń burynǵy kógalyn syıǵa tartpaq nıette. Biregeı aktsııa erteń, 23 aqpan kúni Ortalyq stadıonda saǵat 11:00-den 15:00-ge deıingi aralyqta bolady.
Nıet bildirýshiler ózderi jaıynda derekti anton.lysyak@gmail.com poshtasyna jiberip, kógaldy qansha kólemde alǵylary keletindigin kórsetýleri tıis. Qosymsha suraqtar boıynsha myna uıaly telefon nómirine habarlasýǵa bolady: +7 707 828 0404.
Ótinimderdi qabyldaý búgin keshki saǵat 20:00-de aıaqtalady.
Aıta ketelik, bul eski kógalda «Qaırat» komandasy ishki birinshilikte jáne Eýropa Lıgasynda talaı sátti oıyndaryn ótkizgen bolatyn.
