«Qaırat» FK jankúıerlerin Astanaǵa aparady
ALMATY. QazAqparat - «Qaırat» FK jankúıerlerin Astanaǵa aparady. Arnaıy avtobýs qaladan 20 qarashada saǵat 10:00-de shyǵady. Match bitken soń avtobýs birden Almatyǵa qaıtady.
«Kólikke bılet alý úshin alisher_anvarov@list.ru elektrondy poshtasyna habarlasýyn suraımyz. Ótinimde ózińizdiń aty-jónińiz, baılanys málimetteri, jeke qujatyńyzdyń kóshirmesi kórsetilýi kerek», - dedi FK jankúıerlermen jumys bóliminiń mamany Álisher Ánýarov. Avtobýs tegin bolǵanymen, kólikte oryn shekteýli. Aıta keteıik, «Astana» men «Qaırat» komandalary Qazaqstan kýbogynyń fınalynda kezdesetin boldy. Match 21 qarashada Astanada ótedi.
