«Qaırat» FK-nyń bas jattyqtyrýshysy bolyp Djon Charlz Gregorı taǵaıyndaldy
ALMATY. 14 maýsym. QazAqparat /Ádilet Musahaev/ - «Qaırat» fýtbol komandasynyń bas bapkeri bolyp 57 jasar aǵylshyndyq maman Djon Charlz Gregorı taǵaıyndaldy. Bul jaıynda búgin Almatyda arnaıy ótken baspasóz máslıhatynda málim boldy.
Týrızm, dene shynyqtyrý jáne sport basqarmasynyń bastyǵy Haırbolat Haıdarovtyń aıtýynsha, atalǵan komandanyń burynǵy bas jattyqtyrýshysy ótken juma kúni ostavkaǵa ketýge aryz bergen. «Jattyqtyrýshynyń tez arada ketýine ókinish bildiremiz. Degenimen komandaǵa jańa jattyqtyrýshyny izdep, aǵylshyn bapkerimen 2013 jylǵa deıin kelisimshart bekittik. Jańa bapkerdiń aldyna jaqyn arada premer-lıganyń bıik mindetterin sheshe alatyndaı jańa quram jasaqtaý mindeti qoıyldy», -deıdi ol.
«Qaırat» komandasyna bapker bolyp saılanǵanyma óte qýanyshtymyn. Bul komanda jaıynda kóp málimettermen tanysyp, «Qaırattyń» elde úlken bedelge ıe ekenine kózim jetti. Aldaǵy ýaqytta da jaqsy kórsetkishterge qol jetkizip, komandanyń bedelin arttyra túsemiz degen oıdamyn»,- deıdi jattyqtyrýshy.
Anglııada Djon Gregorı «Porstmýt», «Plımýt Argaıl», «Ýıkomb Ýonderers», «Aston Vılla», «Derbı Kaýntı» ı «Kýınz Park Reındjers» komandalaryna bapkerlik jumysymen tanymal. Sońǵy jyldary Gregorı Izraılde «Makkabı Ahı» jáne «F.K. Ashdod» komandalaryn jattyqtyrǵan.
