«Qaırat» Eýropada óz deńgeıin dáleldemek: Ýrazbahtın «Rıgaǵa» qarsy oıyn aldynda málimdeme jasady
ASTANA. KAZINFORM — Almatylyq «Qaırattyń» bas bapkeri Rafael Ýrazbahtın UEFA Konferentsııa lıgasynyń alǵashqy týryndaǵy «Rıgaǵa» qarsy syrt alańdaǵy oıyn aldynda komandanyń basty josparlarymen bólisti. Bul týraly informsports.kz jazdy.
Mamannyń aıtýynsha, fýtbolshylar men bapkerler quramy bul týrnırdi jańa belesterdi baǵyndyrýǵa jáne óz sheberlikterin dáleldeýge múmkindik beretin úlken alań retinde qarastyrady.
— Konferentsııa lıgasy — biz úshin úlken tájirıbe alańy. Sondyqtan otandyq klýbtardyń jyl saıyn eýrokýboktyq jarystarǵa, sonyń ishinde eń kemi Konferentsııa lıgasynyń negizgi kezeńine turaqty qatysyp turýy mańyzdy. Bul úrdis qazaqstandyq fýtboldyń Eýropada tanymaldylyǵyn arttyryp, halyqaralyq deńgeıde bedelin nyǵaıtýǵa kómektesedi, — dedi Ýrazbahtın.
Esterińizge sala keteıik, «Rıga» men «Qaırat» arasyndaǵy kezdesý 15 qazan kúni Astana ýaqytymen saǵat 21:45–te bastalady.
Aıta keteıik, «Qaırat» bas júldege talasty jalǵastyratynyn jazdyq.
