«Qaırat» Eýropa lıgasynyń pleı-off kezeńine túsken jaǵdaıda qaı komandamen oınaıdy

ASTANA. KAZINFORM - Fýtboldan Eýropa lıgasy pleı-off kezeńiniń jerebesi tartyldy. 

Onda Chempıondar lıgasynyń úshinshi irikteý kezeńinde almatylyq «Qaırat» qarsylasyna jol bergen jaǵdaıda Eýropa lıgasynyń pleı-off satysynda baq synaýǵa múmkindik alady. Atalǵan kezeńde Rafael Ýrazbahtın jattyqtyratyn komanda shveıtsarııalyq «ıAng Boız» klýbymen sheberlik baıqasýy múmkin. 

Jarystyń bul satysyndaǵy oıyndar 21 jáne 28 tamyz kúnderine belgilengen.

Aıta ketsek, budan buryn almatylyq «Qaırat» komandasynyń fýtboldan UEFA Chempıondar lıgasynyń pleı-off kezeńindegi qarsylasy belgili bolǵanyn jazǵan edik. Jarystyń atalǵan satysyndaǵy oıyndar 19-20 jáne 26-27 tamyz kúnderi ótedi.

Oǵan deıin qazaqstandyq klýb 6 jáne 13 tamyzda úshinshi irikteý kezeńinde Chehııanyń «Slovan» (Bratıslava) klýbymen kezdesedi. 

Aıta ketsek, almatylyq fýtbolshylar birinshi jáne ekinshi irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0) qapy qaldyrdy.