«Qaırat» Eýropa lıgasynda «Anderlehtke» ese jiberdi
ASTANA. KAZINFORM - UEFA Eýropa lıgasy pleı-off kezeńinde «Anderleht» (Brıýssel, Belgııa) - «Qaırat» (Almaty, Qazaqstan) kezdesýi aıaqtaldy.
Bas bapker Rafael Ýrazbahtın alǵashqy mınýttan tómendegi oıynshylarǵa senim bildirdi. Birinshi kezdesýden keıin birshama ózgerister engizildi. Qaqpa Sherhan Qalmyrzaǵa senip tapsyrylsa, Oljas Baıbek, Ismaıl Bekbolat syndy jas fýtbolshylar negizgi quramǵa ilikti.
«Kaırat»: Sherhan Kalmurza (Q) – Lev Kýrgın, Oljas Baıbek, Damır Qasabolat, Erkin Tapalov – ıAakko Oksanen, Ádilet Sadybekov, Lýısh Mata (K), Oıva ıÝkkola – Ismaıl Bekbolat, Mark Gýal;
Kezdesý barysynda belgııalyq komanda tizgindi óz qolynda ustaýǵa tyrysty. Oıynnyń 45-mınýtynda olardyń qatarynan Mıhaılo Tsvetkovıch kózge tústi.
Ekinshi kezeńde de belgııalyq komanda basymdyǵyn arttyra tústi. Nátıjesinde Danııl Sıkan 54, Jýlıan Bıankon 71-mınýtta mergendigimen kózge tústi.
Osylaısha «Anderleht» 3:0 esebimen basym túsip, Eýropa lıgasy negizgi kezeńinde synǵa túsýge múmkindik aldy.
Al «Qaırat» endi Konferentsııa lıgasy negizgi kezeńinde oınaıdy.
Aıta ketsek, alǵashqy kezdesýde qazaqstandyq komanda atalǵan qarsylasyna 0:3 esebimen ese jiberdi.
Aıta ketsek, almatylyq komanda eýrokýboktaǵy joryǵyn aldymen Chempıondar lıgasynda bastap, alǵashqy eki irikteý kezeńinde Chernogorııanyń «Sýteska» klýbynan (2:1, 2:0), Chernogorııanyń Kıprdiń «Omonııa» (1:0, 0:1, penaltıden 6:5) klýbtaryn qapy qaldyrǵan edi. Odan keıin Rafael Ýrazbahtınniń fýtbolshylary Bolgarııanyń «Levskı» komandasyna (0:1, 0:1) jol berdi.
