Qaırat Eralıev Andranık Grıgorıannan basym tústi

Eki boksshy arasyndaǵy kezdesý barynsha tartysy ótti. Degenmen, tóreshiler 50-45, 48-47, 49-46 esebimen jeńisti Qazaqstan boksshysyna berdi. Kelesi kezekte sharshy alańǵa 64 keli salmaq sanatyndaǵy Samat Báshenov pen Grıgorıı Lızýnenko kóteriletin bolady. Aıta keteıik, elordadaǵy «Dáýlet» sport kesheninde Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandary» men Reseıdiń «Rashn Boksın Tım» komandasy arasyndaǵy kezdesý ótýde. Búgin 5 jup judyryqtasady. Eki komanda arasyndaǵy qalǵan salmaq sanatyndaǵy boksshylardyń jekpe-jegi erteń ótedi. Bul kúni sharshy alańda Oljas Sáttibaev pen Karen Arýtıýnıan (52 keli), Zakır Safıýllın men Artýr Sýbhankýlov (60 keli), Nurdáýlet Jarmanov pen Edýard ıAkýshev (81 keli), Erkin Muhamedjan men Dmıtrıı Zaıtsev (91 keliden joǵary) aıqasatyn bolady. Al 69 keli salmaq sanatynda el namysyn Aslanbek Shymbergenov qorǵap, reseılik ıAkýb Nýrıevpen judyryq túıistirýi tıis edi. Biraq, jattyqtyrýshylar onyń ornyna Danııar Eleýsinovti shyǵarý týraly sheshim qabyldady.