«Qaırat» elıtalyq kezeńde taǵy bir qarsylasyn utty – fýtzal

ASTANA. KAZINFORM — Fýtzaldan Chempıondar lıgasynyń elıtalyq kezeńinde «Qaırat» komandasy Zagreb qalasynda (Horvatııa) horvatııalyq «Olmıssýmmen» sheberlik baıqasty.

Bul almatylyqtardyń V tobyndaǵy ekinshi kezdesýi edi. Osyǵan deıin «Qaırat» frantsııalyq «Etýal» komandasyn 4:2 esebimen utqan bolatyn.

Bul joly 26-mınýtta Edson soqqan jalǵyz gol Marlon Velasko shákirtterine jeńis áperdi.

Osylaısha, 6 upaı jınaǵan «Qaırat» óz tobyndaǵy jaǵdaıyn jaqsarta tústi. Endi almatylyqtar sońǵy matchyn horvatııalyq «Fýtzal Dınamo» komandasymen ótkizedi.

Ár toptan jeńimpaz klýb qana fınaldyq kezeńge joldama alady.

Eske sala keteıik, budan buryn fýtzaldan «Qaırattyń» elıtalyq kezeńde jeńiske jetkenin jazǵan bolatynbyz.