«Qaırat» Chempıondar lıgasy úshinshi irikteý kezeńine shyqty
ASTANA. INFORMSPORTS — Búgin qazaqstandyq «Qaırat» (Almaty) fýtboldan UEFA Chempıondar lıgasynyń ekinshi irikteý kezeńinde óz alańynda Kıprdiń «Omonııa» (Nıkosııa) klýbymen kezdesti.
Oıyn barysynda almatylyq komanda alǵashqy mınýttan belsendi qımyl kórsetýge tyrysty. Olardyń qatarynan 37-mınýtta Edmılson mergendik tanytty.
Birinshi oıynda almatylyq klýb qarsylasyna 0:1 eesbimen ese jibergen edi. Nátıjesinde eki oıynnyń nátıjesimen esep teńesti.
Toqsan mınýtta jeńimpaz anyqtalǵan joq. Kezdesý qosymsha kezeńge ulasty. Qos komanda overtaımda da bir-biriniń qaqpasynan sańylaý taba alǵan joq.
Osylaısha jeńimpazdy anyqtaý penaltı serııasy arqyly anyqtalatyn boldy. Bul joly qazaqstandyq komanda 7:5 esebimen qapy qaldyryp, úshinshi kezeńge joldama aldy.
Endi olar úshinshi irikteý kezeńinde «Levskı» (Bolgarııa) — «Ýnıversıtatıa» Kraıova (Rýmynııa) jubynyń jeńimpazymen oınaıdy. Bul juptaǵy alǵashqy oıyn bolgarııalyq komandanyń basymdyǵymen 1:0 esebimen aıaqtalǵan edi.
Aıta ketsek, almatylyq klýb budan buryn UEFA Chempıondar lıgasy birinshi irikteý kezeńinde Chernogorııanyń «Sýteska» klýbyn (2:1, 2:0) qapy qaldyrdy.
Kıprlik klýb endi Eýropa lıgasy úshinshi irikteý kezeńinde «Melbıý» (Shvetsııa) — «Lınkoln Red Imps» (Gıbraltar) jubynyń jeńimpazymen oınaıdy.
Eske salsaq, otandyq tóreshiler ÝEFA Konferentsııa lıgasynyń matchyna taǵaıyndaldy.
