«Qaırat» Chempıondar lıgasy úshinshi irikteý kezeńindegi qarsylasyn anyqtady
ASTANA. KAZINFORM — Qazaqstandyq «Qaırat» (Almaty) fýtboldan UEFA Chempıondar lıgasynyń úshinshi irikteý kezeńinde Bolgarııanyń «Levskı» komandasymen kezdesedi.
Almatylyq komanda ekinshi irikteý kezeńinde Kıprdiń «Omonııa» (1:0, 0:1, penaltıden 6:5) qapy qaldyrǵan edi.
Odan buryn qazaqstandyq klýb birinshi irikteý kezeńinde Chernogorııanyń «Sýteska» klýbynan (2:1, 2:0) basym tústi.
Bolgarııalyq komanda ekinshi irikteý kezeńinde Rýmynııanyń «Ýnıversıtatıa» (Kraıova) klýbynan (2:2, 1:0) aılasyn asyrdy.
«Qaırat» — «Levskı» aldymen 4 nemese 5 tamyzda Bolgarııada oınasa, qarymta kezdesý 11 tamyzda Túrkistan qalasynda bolady.
Aıta ketsek, almatylyq klýb ótken maýsymda Chempıondar lıgasy negizgi kezeńinde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.
