«Qaırat» Chempıondar lıgasynyń pleı-off satysyna shyqty
ASTANA. KAZINFORM — Almatylyq «Qaırat» búgin fýtboldan UEFA Chempıondar lıgasy úshinshi irikteý kezeńinde Slovakııanyń «Slovan» komandasymen qarymta oıyn ótkizdi.
Aıta ketsek, eki komanda arasyndaǵy alǵashqy kezdesýde «Qaırat» qarsylasynan 1:0 esebimen basym tústi. Jalǵyz goldy 90-mınýtta almatylyq klýbtan Dastan Sátpaev penaltıden soqty.
Sondyqtan alǵashqy mınýttan slovakııalyq fýtbolshylar alǵa qaraı umtyldy. Dese de oǵan almatylyq komanda laıyqty toıtarys berip jatty.
Oıynnyń 30-mınýtynda qazaqstandyq klýbtyń qorǵaýshylary alań ortasynda óreskel qatelikke boı aldyrdy. Nátıjesinde «Slovan» sapynan Robert Mak «Qaırat» qaqpasyn dál kózdep, eki oıynnyń nátıjesimen tarazy basyn teńesti.
Ekinshi kezeńde qazaqstandyq komanda gol soǵatyn múmkindikti izdedi. Degenmen óz maqsatyna jete alǵan joq.
Eki oıynnyń nátıjesimen tarazy basynyń teń bolýynan oıyn qosymsha kezeńge jalǵasty.
Qosymsha kezeńde jeńimpaz anyqtalǵan joq. Penaltı tebýde almatylyq fýtbolshylar birinshi jáne ekinshi irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0) qapy qaldyryp ketti.
Endi «Qaırat» UEFA Chempıondar lıgasy pleı-off kezeńinde shotlandııalyq «Seltık» komandasymen oınaıdy.
Sondaı-aq 14 tamyzda elordalyq «Astana» Konferentsııa lıgasy úshinshi irikteý kezeńinde óz alańynda Shveıtsarııanyń «Lozanna» komandasyn qabyldaıdy.
Alǵashqy kezdesýde qazaqstandyq komanda qarsylasyna 1:3 esebimen jol bergen edi.