Qaırat Boranbaevtan tárkilengen qonaqúı jekeshelendiriledi

ASTANA. KAZINFORM – Astana qalalyq máslıhatynyń turaqty komıssııasy Qaırat Boranbaevtyń menshiginen memleketke qaıtarylyp, keıin senimgerlik basqarýǵa berilgen Comfort Hotel Astana qonaqúıin bıyl jekeshelendiriletin nysandar tizimine qosty.

Qalalyq aktıvter men memlekettik satyp alý basqarmasynyń basshysy Nurlan Álimjanovtyń sózinshe, bıyl Astana ákimdiginiń kommýnaldyq menshiginen jekege satylýǵa tıis 4 nysannyń ishinde Comfort Hotel Astana da bar.

- Qazir bul nysan senimgerlik basqarýda. Tabysy jyl saıyn 20 paıyz ósip jatyr. Senimgerlik arqyly basqaryp otyrǵan kompanııanyń birinshi bolyp satyp alý quqyǵy bar. Jyl aıaǵyna da deıin ol quqyqtaryn paıdalanbasa, ashyq saýdaǵa shyǵaramyz, - dedi qalalyq ınvestıtsııalar jáne kásipkerlikti damytý basqarmasynyń basshysy Halel Ákimjanov.

Depýtattar usynysty biraýyzdan maquldap, jekeshelendirý tizimin bekitti.

Buǵan deıin Astanadaǵy 17 parkıngtiń jeke menshikke satylatynyn jazdyq. 

Byltyr Qaırat Boranbaevtyń burynǵy munaı kompanııasy da jekeniń qolyna ótetinin jazǵan edik.