«Qaırat» «Barselona» men «Manchester Sıtıdiń» burynǵy oıynshysymen kelisim jasady
ASTANA. QazAqparat - Ispanııalyq «Barselona» men aǵylshyndyq «Manchester Sıtıdiń» burynǵy oıynshysy Gaı Assýlın almatylyq «Qaıratpen» kelisim jasady, dep habarlaıdy «SPORTINFORM» SAA klýbtyń baspasóz qyzmetine silteme jasap.
Gaı Haıf qalasyndaǵy ızraıldik «Hapoeldiń» tárbıelenýshisi. Ol jas oıynshy retinde ıspandyq «Barselonaǵa» qosylǵan. 2009 jyldyń jazynda negizgi komandanyń quramynda londondyq «Tottenhemǵa» qarsy oınady. Keıin «Manchester Sıtı», «Granada» jáne «Malorka» klýbtarynyń oıynshysy boldy.
Sońǵy jyldary Tel-Avıv qalasyndaǵy ızraıldik «Hapoeldiń» quramynda oıyn kórsetken. Izraıl jastar jáne ulttyq quramasynda da tájirıbe jınaqtaǵan. Jartylaı qorǵaýshy shabýylshymen eki jyl merzimge kelisim jasaldy.
