«Qaırat» bapkeriniń koronavırýs juqtyrǵany ras pa - Klýb resmı málimdeme jasady
NUR-SULTAN.QazAqparat – «Qaırat» fýtbol klýby bas bapker Alekseı Shpılevskııge qatysty áleýmettik jelilerde shyqqan aqparatqa jaýap berdi, dep habarlaıdy QazAqparat klýbtyń baspasóz qyzmetine silteme jasap.
Keıbir BAQ pen áleýmettik jelilerde «Qaırat» FK bas bapkeri Alekseı Shpılevskııdiń koronavırýsqa shaldyqqany týraly aqparat taraǵan.
«Bul jazbalardy esepke ala otyryp, «Qaırat» fýtbol klýby aqparattyń shyndyqqa saı emestigin jarııalaıdy. Alekseı Shpılevskıı shyn máninde 1 shildede Almatyda ótetin «Qaırat»-«Jetisý» kezdesýine qatyspaıdy. Biraq oǵan sebep – matchtan resmı túrde shettetilgeni. «Qaırat» FK tek resmı derekkózge senýge shaqyrady» delingen «Qaırattyń» baspasóz qyzmeti taratqan habarlamada.
Buǵan deıin taǵy bir Qazaqstan chempıonatynyń qatysýshysy – «Qaısar» basshylyǵy komandanyń 25 oıynshysy koronavırýs juqtyrdy degen aqparatqa qatysty jaýap bergen edi .
