«Qaırat» - «Astana» matchyna 6 myńnan astam bılet satylǵan
ASTANA. QazAqparat - «Qaırat» - «Astana» Qazaqstan Premer-lıgasynyń 15-týry ortalyq matchyna qansha bılet satylǵan begili boldy, dep habarlaıdy «SPORTINFORM» SAA.
Osy sátke deıin 6 myńnan astam bılet satylǵan. Alaıda, almatylyq klýb «Ortalyqqa» kem degende 17 myń kórermenniń jınalatynyna senimdi.
Aıta keteıik, dál qazir Almatyda jańbyr jaýyp jatyr. Biraq, jankúıerler dál osyndaı aýa raıyn «Qaırattiki» dep ataıdy.
Eske salaıyq, «Qaırat» óz stadıonynda 41 matchta jeńilip kórgen emes. Qazaqstan Premer-lıgasynda jeke kezdesýlerdiń statıstıkasy da almatylyq komandanyń paıdasynda. Bul komanda Qazaqstan chempıonatynyń kezdesýlerinde de jeti oıyn boıy «Astanadan» jeńilmeı keledi.
Match Astana ýaqytymen 20:30-da bastalady.
