«Qaırat» — «Astana»: Almatyda stadıon janynda kólik qozǵalysy shekteledi
ALMATY. KAZINFORM — Almatynyń Ortalyq stadıonynda fýtboldan Qazaqstan chempıonatynyń sheshýshi — 26-týry ótedi.
Almaty qalasynyń polıtsııa departamenti «Qaırat» pen «Astana» fýtbol matchynyń ótýine baılanysty 12:00–den 18:00–ge deıin Sátbaev kóshesi boıymen — Baıtursynov kóshesinen Baızaqov kóshesine deıingi aralyqta kólik qozǵalysy ýaqytsha shekteletinin habarlady.
— Azamattardy qabyldanyp jatqan sharalarǵa túsinistikpen qarap, qozǵalys baǵytyn aldyn ala josparlaýǵa jáne jol qozǵalysy erejelerin qatań saqtaýǵa shaqyramyz, — dep habarlady polıtsııadan.
Eske salaıyq, buǵan deıin «Astana» men «Qaırat» sońǵy týrda chempıondyqqa talasatynyn jazǵanbyz.
El chempıonatynyń 25-týrynda «Qaırat» syrt alańda «Qyzyljardy» jeńip, týrnırlik kestede kósh bastady.
Odan keıin «Qaırat» óz alańynda «Pafospen» teń oınady.