«Qaırat» Antalııada Gana fýtbol komandalary quramasyn 2:0 esebimen jeńdi
ALMATY. 2 aqpan. QazAqparat /Erlik Erjanuly/ - Antalııada oqý-jattyǵý jıynyn ótkizip jatqan «Qaırat» Gana fýtbol komandalary quramasymen joldastyq kezdesý ótkizdi.
Bul oıynda almatylyqtar Gana aıaqdopshylarynyń qaqpasyna jaýapsyz 2 dop engizdi. Dmıtrıı Ogaı jattyqtyratyn «Qaırat» fýtbol klýby buǵan deıin 30 qańtarda Horvatııanyń «Haıdýk Splıt» («Hajduc Split») komandasyn 1:0 esebimen utqan edi. Búgin olar endi chernogorııalyqtardyń «Zeta» («Zeta») klýbynyń oıynshylarymen sheberlik baıqaspaq. Al 5 aqpandaǵy qarsylasy Grýzııanyń «Dela Gorı» («Dela Gori») komandasy bolady.
Almatylyqtardyń 27 qańtarda bastalǵan bul jıyny 10 aqpanǵa deıin sozylady. Oǵan deıin olar 7, 9 aqpanda taǵy 2 kezdesý ótkizý josparlap otyr. Ázirge qarsylastardyń kim bolatyny belgisiz.
