«Qaırat» Almatyda «Pafosty» qabyldaıdy: komanda daıyndyǵy qalaı

ALMATY. KAZINFORM — Almatynyń Ortalyq stadıonynda erteń «Qaırat» pen «Pafos» komandalaryn arasynda match ótedi. 

ÝEFA Chempıondar lıgasynyń aıasynda ótetin oıyn aldynda «Qaırat» fýtbol klýbynyń bas bapkeri Rafael Ýrazbahtın baspasóz máslıhatyna qatysty. Bapker aldymen, el birinshiligindegi oıyndardy qorytyndylap, chempıondyq jarys týraly pikirin aıtty.

— Biz «Astananyń» jeńetinin bildik jáne Qazaqstan chempıonatyndaǵy sheshýshi oıynnyń 26 qazanda bolatynyn túsindik. Sondyqtan biz basynan-aq qarqyndy aptaǵa daıyndalyp, eshqandaı jalǵan senimge berilgen joqpyz. Biz 26 qazanǵa («Astanaǵa» qarsy matchqa) daıyndalamyz, biraq eń aldymen bizde «Pafospen» oıyn bar. Osy kezdesýden keıin demalyp, qalpymyzǵa kelýge ýaqytymyz jetkilikti bolady. Sodan keıin ǵana «Astana» týraly oılaımyz, — dedi Rafael Ýrazbahtın.

Bapker sózderinen «Astana» men «Aqtóbe» matchy jóninde eshqandaı sensatsııa izdemeýdi surady.

— «Astana» chempıondyq úshin kúresip jatyr, olardyń jeńisi kútiletin nátıje, ásirese óz alańynda. Sondyqtan munda eshqandaı astar izdeýdiń qajeti joq, bul jaı ǵana meniń pikirim. Men tek «Astana» óz alańynda jeńedi dep oıladym, — dedi ol.

Sondaı-aq bapker aldaǵy oıynǵa barlyq oıynshylnyń daıyn ekenin, biraq qaqpashy Aleksandr Zarýtskııdiń negizgi topqa áli qosylmaǵanyn atap ótti.

— Negizgi quramda ózgeris bolmaıdy, biz eki matchta da eń myqty qurammen oınaımyz. Oıyndar arasyndaǵy ýaqyty jetkilikti, sondyqtan kimder osy sátte 100 paıyz daıyn bolsa, solar alańǵa shyǵady, — dedi Rafael Ýrazbahtın.

Eske salaıyq, Chempıondar lıgasyndaǵy alǵashqy kezdesýinde «Qaırat» «Sportıngke» ese jiberdi.

Odan keıin «Qaırat» pen «Real Madrıd» arasyndaǵy oıyn ıspanııalyq komandanyń paıdasyna sheshildi.