«Qaırat» — «Aqtóbe» kezdesýi qaı telearnadan kórsetiledi

ASTANA. KAZINFORM — Fýtboldan Qazaqstan sýperkýbogyndaǵy «Qaırat» (Almaty) — «Aqtóbe» kezdesýi qaı telearnadan kórsetiletini belgili boldy.

Jańa maýsymnyń shymyldyǵy 22 aqpanda saǵat 15.00-de «Qaırat» — «Aqtóbe» kezdesýimen ashylyp, oıyn «Qazsport» telearnasynan tikeleı efırde kórsetiledi.

Bul oıyn elordadaǵy «Astana-arena» stadıonynda bolady.

Byltyr almatylyq klýb el chempıony atansa, aqtóbelik komanda Qazaqstan kýbogyna qol jetkizdi. Eki komanda sýperkýbokta alǵash ret kezdesedi.

Eki komanda buǵan deıin 76 márte sheberlik baıqasty. Onyń 34-i «Qaırattyń» basymdyǵymena ıaqtalsa, qalǵanynda aqtóbelik klýbtyń mereıi ústem boldy. Sońǵy úsh kezdesýde «Aqtóbe» jeńiske jetti.

Bıyl sýperkýbok oıyny óz tarıhynda 17 márte ótkizilmek. Qazirge deıin ol elimizdiń Almaty («Ortalyq»), Astana («Astana Arena»), Qostanaı («Tobyl Arena») jáne Túrkistan («Túrkistan-Arena») qalalarynda boldy.

Buǵan deıin sýperkýbokke barlyǵy alty komanda qol jetkizdi. Olardyń qatarynda «Astana» — 6, «Aqtóbe» — 3, «Qaırat» pen «Tobyl» — 2, «Shahter», «Ordabasy» men «Elimaı» — 1 márteden enshiledi.

Eske salsaq, budan buryn «Aqtóbe» fýtbol klýbynyń bıylǵy bıýdjeti belgili boldy.