«Qaırat» alǵashqy oqý-jattyǵý jıynyn Almatyda ótkizedi
NUR-SULTAN. QazAqparat - Fýtboldan Almatynyń «Qaıraty» aldaǵy maýsymǵa daıyndyǵyn bastap ketti, dep habarlaıdy QazAqparat tilshisi.
Almatylyq klýb alǵashqy oqý-jattyǵý jıynyn komanda bazasynda ótkizýdi josparlap otyr. Bas bapker Alekseı Shpılevskııdiń shákirtteri Almatyda 17 qańtarǵa deıin daıyndyǵyn júrgizedi. Odan keıin Túrkııaǵa ekinshi oqý-jattyǵý jıynyn ótkizýge attanady. Túrkııada Polshanyń «Legııa», Ýkraınanyń «Dınamo» (Kıev) jáne Bolgarııanyń «Lýdogorets» komandalarymen joldastyq kezdesý ótkizedi.
Qazirgi tańda «Qaırat» quramynan jartylaı qorǵaýshy Islambek Qýat Reseıdiń «Orenbýrg» komandasyna aýysty. Sondaı-aq, jartylaı qorǵaýshy Baýyrjan Islamhan da sheteldik klýbtardyń birine aýysýy múmkin.
