«Qaırat» - «Aqtóbe» kezdesýinde alǵashqy gol soǵyldy

ASTANA. KAZINFORM - Búgin fýtboldan Qazaqstan sýperkýbogyndaǵy «Qaırat» (Almaty) pen «Aqtóbe» kezdesýiniń alǵashqy goly soǵyldy.

Byltyr almatylyq klýb el chempıony atansa, aqtóbelik komanda Qazaqstan kýbogyna qol jetkizdi. Eki komanda sýperkýbokta alǵash ret kezdesti.

Oıynnyń alǵashqy mınýtynda aqtóbelik komanda tizgindi óz qolynda ustaýǵa tyrysty. Odan keıin «Qaırat» ta qarsy shabýylǵa shyqty. Keıbir sátterde gol soǵatyn múmkindigin múlt jiberip alyp jatty.

Ekinshi kezeńde oıyn tizginin «Qaırat» óz qolynda ustaýǵa tyrysty. Nátıjesinde olardyń qatarynan 58-mınýtta Elder Santana gol soǵyp ketti.

Dál qazir «Qaırat» qarsylasynan 1:0 esebimen basym tústip jatyr.

Qazirge deıin «Aqtóbe» 2008, 2010, 2014 jyldary úsh márte sýperkýbokty tóbesine kóterse, «Qaırat» 2016, 2017 jyldarda eki márte jeńimpaz atandy.

Aqtóbelik klýb ózi qatysqan sýperkýboktyń barlyǵynda jeńse, almatylyq komanda 2015, 2018, 2019, 2022 jyldary qarsylastaryna ese jiberip qoıdy.

Osyǵan deıin «Qaırat» - «Aqtóbe» kezdesýiniń birinshi kezeńinde esep ashylmaǵanyn jazǵanedik.