Qaırat Ahmetov AQSh-ta «Naızany» jeńdi

BRÝMFILD. QazAqparat – Aralas jekpe-jek sheberi Qaırat Ahmetov (26-2) beldi promoýshen One Fighting Championship Brýmfılde (AQSh, Kolovado shtaty) ótkizgen týrnırde jeńiske jetti, dep habarlaıdy QazAqparat Sports.kz-ke silteme jasap.

Q.Ahmetov «Naıza» laqap aty bar avstralııalyq faıter Rıs Maklarenmen (16-8) kezdesti.

Jekpe-jek jeńil salmaqta ótti jáne úsh raýndqa esepteldi. Tóreshiler jeńisti biraýyzdan qazaqstandyq sportshyǵa berdi.

Osylaısha, Qaırat Ahmetov kásibı rıngte 27-inshi jeńisine qol jetkizdi. Al Rıs Maklaren kásibı MMA-da toǵyzynshy ret jyǵyldy.

Qazaqstandyq faıter One FC lıgasynda 2015 jyldan beri óner kórsetip keledi. Sol kezden beri 9 aıqas ótkizdi (segiz – jeńis, bir – jeńilis).

Aıta keteıik, bul Qaırat pen Rıstiń ekinshi kezdesýi. Olar alǵash ret 2019 jyldyń naýryz aıynda judyryqtasyp, tóreshiler sheshimimen qazaqstandyq boksshy jeńiske jetken edi.

Foto: Sports.kz