Qaırat Ábdirahmanov Sırııa Úkimetiniń jáne qarýly oppozıtsııanyń ókilderimen kezdesti
ASTANA. QazAqparat - Qazaqstannyń Syrtqy ister mınıstri Qaırat Ábdirahmanov Astana protsesiniń 7-shi raýndyna qatysýshy Sırııa Úkimetiniń jáne qarýly oppozıtsııasynyń ókilderimen kezdesý ótkizdi. Bul jaıynda elimizdiń syrtqy saıasat vedomstvosynyń baspasóz qyzmetinen málim etti, dep habarlaıdy QazAqparat.
Eki kezdesý barysynda da delegatsııa ókilderi Qazaqstan basshylyǵyna Sırııadaǵy ahýaldy beıbit retteý jónindegi tabandy ustanymy jáne kelissózder protsesin jaqsy uıymdastyrǵany úshin rızashylyqtaryn bildirip, mınıstrge Astanada jalǵasyp jatqan kelissózderdiń kún tártibindegi barynsha mańyzdy máselelerge qatysty ózderiniń ustanymdaryn habardar etti.
Bul jolǵy kelissózderdiń kezekti raýndy barysynda Sırııadaǵy tutqyndar men kepilge alynǵandardy bosatý, qaza tapqandardyń múrdesin berý jáne iz-tússiz joǵalǵandardy izdeý, el aýmaǵynyń basym bóligin mınadan zalalsyzdandyrý jáne eldiń túrli eldi mekenderine gýmanıtarlyq júkterdiń kedergisiz jetkizilýin qamtamasyz etý máselelerine aıryqsha nazar aýdaryldy.
Kezdesýge qatysýshylar Astana protsesi aıasynda nátıjeli jumystarǵa qol jetkizýge peıildi ekendikterin bildirdi.
