Qaırat Ábdirahmanov Qyzyl Krest jáne Qyzyl Jarty aı uıymdarynyń basshysyn qabyldady
ASTANA. QazAqparat - Qazaqstan Respýblıkasynyń Syrtqy ister mınıstri Qaırat Ábdirahmanov Qyzyl Krest jáne Qyzyl Jarty aı halyqaralyq qoǵam federatsııasynyń prezıdenti Franchesko Rokkamen kezdesti, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.
Taraptar Halyqaralyq federatsııanyń álemdegi tótenshe jaǵdaılar men qaqtyǵystardyń saldarynyń aldyn alý, sondaı-aq qalpyna keltirý jumystary boıynsha jergilikti turǵyndarǵa qoldaý kórsetýi jónindegi qyzmetin talqylady.
Q. Ábdirahmanov senimdilik úshin alǵys aıta otyryp, Qyzyl Krest jáne Qyzyl Jarty aı halyqaralyq qoǵam federatsııasynyń 10-shy Eýropalyq Konferentsııasyn 2018 jylǵy 2-3 mamyrda Almatyda ótkizý jóninde bastamasyn qodaıtynyn bildirdi.
Qazaqstan Federatsııamen, ekijaqty deńgeıde de, basqa halyqaralyq alańdarda da, sonyń ishinde Prezıdent N. Á. Nazarbaevtyń syrtqy saıası bastamalaryn iske asyrý sheńberinde yntymaqtastyqty nyǵaıtýǵa ázir ekenin atap ótti.
F. Rokka óz tarapynan mańyzdy Konferentsııany Qazaqstanda uıymdastyrýǵa jáne ótkizýge kórsetilgen qoldaý úshin alǵysyn bildirdi.
Budan bólek, Halyqaralyq federatsııasynyń prezıdenti Sırııadaǵy daǵdarysty sheshý úshin Astanada uıymdastyrylǵan kelissózderdi joǵary baǵalady jáne jaqyn arada Sırııa Arab Respýblıkasyna jasaǵan is-sapary qorytyndylary jóninde sóz qozǵady.
Kezdesý nátıjesinde taraptar turaqty bir-birimen habarlasa otyryp, keń aýqymdy máseleler boıynsha yntymaqtastyqty nyǵaıtýǵa kelisti.
