Qaıyrjan Meńdiǵalıev Batys Qazaqstan oblysy ákiminiń orynbasary boldy
ORAL. KAZINFORM — QR Prezıdentiniń Ákimshiligimen kelise otyryp, BQO ákimi Narıman Tóreǵalıevtiń ókimimen Qaıyrjan Meńdiǵalıev Batys Qazaqstan oblysy ákiminiń orynbasary bolyp taǵaıyndaldy.
Óńir basshysy oblys aktıvine óziniń jańa orynbasaryn tanystyryp, Qaıyrjan Ermekulyna jumysyna tabys pen sáttilik tilep, onyń aldynda turǵan birqatar mindetterdi de tilge tıek etti.
Jańa orynbasar ishki saıasat, bilim, mádenıet, sport, din máselelerine jetekshilik etedi.
BQO ákiminiń orynbasary laýazymyna taǵaıyndalǵanǵa deıin Q.Meńdiǵalıev Almaty qalasy jastar saıasaty basqarmasynyń basshysy qyzmetin atqarǵan.
Sondaı-aq Halyqaralyq bilim berý korporatsııasynyń (QazBSQA) birinshi prorektory, M.Tynyshpaev atyndaǵy Qazaq kólik jáne kommýnıkatsııalar akademııasynyń tárbıe jumysy jáne marketıng jónindegi prorektory laýazymdaryn atqarǵan, oqytýshy, keıin Halyqaralyq bıznes ýnıversıtetinde (UIB) prorektor bolyp jumys istegen.
«Innovatsııalyq menedjment» mamandyǵy boıynsha ál-Farabı atyndaǵy Qazaq ulttyq ýnıversıtetiniń bakalavrıat jáne magıstratýrasyn bitirgen.
Úılengen, úsh balasy bar.
Eske sala keteıik, budan buryn Madııar Óteshevtiń BQO densaýlyq saqtaý basqarmasyn basqaratynyn jazǵan bolatynbyz.
