Qaıyrkeldide jańa gaz jobasy iske qosyldy: 70 myń adam gazben qamtylady
ASTANA. KAZINFORM — QR Energetıka mınıstrligi Qyzylorda oblysyndaǵy Qaıyrkeldi ken ornynda gaz jobasyn iske asyrýdyń bastalǵany týraly habarlady.
Jobany iske asyrý Prezıdent Joldaýynda baıandalǵan tapsyrmalaryn oryndaý jáne eldiń energetıkalyq qaýipsizdigin nyǵaıtý, resýrstyq bazany keńeıtý jáne óńirlerdiń ornyqty áleýmettik-ekonomıkalyq damýyn qamtamasyz etý.
Vedomstvonyń málimetinshe, birinshi kezeńde gaz óndirý jylyna shamamen 8 mln m3 quraıdy, keıinnen kólemi jylyna 24 mln m3 deıin ulǵaıady dep kútiledi. Jobany iske asyrý nátıjesinde 70 myńǵa deıin adamdy tabıǵı gazben qamtamasyz etýge múmkindik beredi.
Shıkizatty óńdeý «Qazgermunaı» BK JShS qýattylyǵynda júzege asyrylady jáne odan ári «QazaqGaz» UK» AQ-ǵa jetkiziledi. Jobany iske qosý Energetıka mınıstrliginiń «QazaqGaz» UK» AQ, «QazMunaıGaz» UK» AQ jáne «Qazgermunaı» BK JShS-men júıeli ózara is-qımylynyń arqasynda múmkin boldy. Mınıstrlik iske asyrýdyń barlyq kezeńderinde uıymdastyrýshylyq jáne ádistemelik qoldaý kórsetip otyr.
— Qaıyrkeldi ken ornynan shyqqan gaz energetıka mınıstrligi bekitken «QazaqGaz» UK» AQ-men birlesip kelisken jańa yntalandyrýshy formýla boıynsha satylatyn bolady, bul óndirý men óńdeýdiń ekonomıkalyq oryndylyǵyn qamtamasyz etedi. Jobany iske qosý jańa jumys oryndaryn qurýǵa, Qyzylorda oblysynyń ónerkásiptik áleýetin arttyrýǵa jáne el halqyn senimdi jáne qoljetimdi energııa resýrstarymen qamtamasyz etýge múmkindik beredi, — delingen habarlamada.
Aıta keteıik, elimizde jańa munaı óńdeý zaýytyn salý máselesi qarastyrylyp jatyr.