Qaıyrymdylyq qorlarynyń ashyqtyǵy: biryńǵaı aqparattyq resýrs qurylady

ASTANA. KAZINFORM — Mádenıet jáne aqparat mınıstrligi qaıyrymdylyq sektorynyń ashyqtyǵyn arttyrýǵa qatysty túsinik berdi.

— Qazirgi ýaqytta mınıstrlik janynda qaıyrymdylyq sektorynyń ashyqtyǵyn arttyrý boıynsha keshendi usynystar ázirleıtin jumys toby bar. Osyǵan baılanysty biryńǵaı aqparattyq resýrs qurý pysyqtalyp jatyr, - delingen mınıstrliktiń Kazinform agenttigine bergen jaýabynda.

Onda qorlar týraly barlyq negizgi derek – esepter, qarajatty maqsatty paıdalaný týraly málimet, baǵdarlamalar týraly aqparat jáne qarajat jınaý nátıjeleri biriktiriledi.

— Bul platformada Qaıyrymdylyq uıymdarynyń biryńǵaı tizilimin qurý josparlanǵan. Bul ashyqtyqty qamtamasyz etedi jáne qoǵamdyq senimdi qalpyna keltiredi, - dep atalyp ótken vedomstvo aqparatynda.

Aıta keteıik, elimizde qaıyrymdylyq qor qyzmetin zańmen rettep, jaýapkershilikti qatańdatý máselesi kóterilgen edi.  

Eske salsaq, 25 shildede elorda soty «Biz birgemiz» qaıyrymdylyq qorynyń burynǵy jetekshisi Perızat Qaırat pen onyń anasy Ǵaını Alashbaevaǵa úkim shyǵardy. Perızat Qaırat 10 jylǵa, anasy 7 jylǵa sottaldy.