Qaıyrymdylyq qor quratyn adamdardy aldymen oqytyp, nusqaýlyq berý usynyldy

ASTANA. KAZINFORM — Elimizde qaıyrymdylyq qor qyzmetin zańmen rettep, jaýapkershilikti qatańdatý máselesi kóterildi. Atalǵan usynysty Ulttyq volonterler front-keńsesiniń jetekshisi Aıbek Dosymbetov BIZDIÑ ORTA podkastynda ortaǵa saldy.

— Meniń oıymsha, qaıyrymdylyq týraly zańǵa ózgerister men tolyqtyrýlar kerek. Qaıyrymdylyq qory retinde quryltaıshylar ózderi jınalyp, zań aıasynda qabyldap tirkeıdi ǵoı, sol kezde olardy memleketten qosymsha oqytyp, nusqaýlyq berilý kerek sııaqty. Qaıyrymdylyq qor ashqan kezde qarjymen jasaıtyn jumystyń memlekettik deńgeıde erejesi, standarty bolý qajet. Jylyna bir ret, múmkin eki ret aýdıtti shaqyryp, halyqqa ýaqytyly aqparat berip otyrý kerek, — dedi Aıbek Dosymbetov.

Onyń aıtýynsha, qaıyrymdylyq qorlar qyzmeti jaıly esepti resmı saıtta ashyq jarııalaýy tıis. 

— Sol kezde qarjy uıymdarynan balasyna kómek surap kelgende, negizinen halyq kómek surap kóbine qorlarǵa barady. Óıtkeni, kóbisi halyqty habarlandyryp, qarjy jınap úlgermeımiz, múmkin emes dep oılaıdy. Sondyqtan da qorlarǵa júginedi, volonterlik ortalyqtarǵa da habarlasyp jatady. Óıtkeni, volonter degen sózdi qaıyrymdylyq jasaıdy dep qabyldaıdy, biz bul jaǵdaıda qaıyrymdylyq qorlaryna qaraı baǵyttaımyz, óıtkeni qarjylaı qorlar kómek beredi. Ata-anadan balasynyń emine kómek týraly ótinish kelip túskende, balasynyń emi qansha turady, qansha qarjy kerek, emi qaıda ótedi degen máseleni dárigerlerdiń bergen qorytyndysyna qarap, saralap baryp, esepshot ashyp qarjy jınaýdyń júıesi bolý kerek, — deıdi ol.

Osyǵan deıin Aıbek Dosymbetov volonterlerdiń jumysyna teris kózqaras qalyptasyp jatqanyn aıtqan edi.